Home खेल साफ महिला फुटबल: बङ्गलादेशलाई हराउँदै नेपाल समूह विजेता

साफ महिला फुटबल: बङ्गलादेशलाई हराउँदै नेपाल समूह विजेता

191
0
SHARE

विराटनगर, २ चैत । पाँचाैँ साफ महिला फुटबलअन्तर्गत आज भएको खेलमा नेपालले बङ्गलादेशलाई ३–० ले पराजित गरेको छ । विराटनगरको शहीद रङ्गशाला आज भएको समूह ‘ए’ अन्तर्गतको खेलमा नेपाल विजयी भई समूह प्रथम भएको छ । खेलको ६ मिनेटमा बङ्लादेशका खेलाडी मसुरा प्रभिनले आत्मघाती गोल गरी नेपाललाई अग्रता दिलाएकी थिइन् ।

यसैगरी खेलको २३औँ मिनेटमा सावित्रा भण्डारीले गोल गरी नेपाललाई २–० ले अगाडि बढाइन् । खेलको २८औँ मिनेटमा नेपाली खेलाडी मञ्जलीकुमारी योञ्जनले गोल गरी नेपाललाई ३–० ले अगाडि बढाउँदै विजय सुनिश्चित गराएकी थिइन् । खेल अवधिभर नेपालले गोल गर्ने अवसर धेरै गुमाएको थियो । बङ्गलादेशले दोस्रो हाफमा गोलको अवसर गुमाएको थियो ।

६२ औं मिनेटमा बंगलादेशकी खातुनको प्रहारलाई नेपाली गोलकिपर एञ्जिलाले बचाइन । त्यसको लगत्तै फेरी सावित्रा भण्डारीले अर्को अवसर पाएकी थिइन । तर उनी यो पटक पनि चुक्न पुगिन । त्यसपछि पनि बंगलादेशले अरु केहि मौका पाएको थियो र तर सफल भएन । जसिका कारण नेपाल समुह ए बाट विजेताका रुपमा सेमिफाइनलमा प्रवेश गर्यो । हारपछि पनि बंगलादेश उपविजेता बन्दै अन्तिम चारमा स्थान बनाउन सफल भयो ।

यो विजयसँगै नेपालले आगामी बुधबार हुने सेमिफाइन खेलमा समूह ‘बी’ अन्तर्गतको भोलि हुने खेलको उपविजेतासँग प्रतिस्पर्धा गर्नेछ । भोलि समूह ‘बी’ अन्तर्गतको भारत र श्रीलङ्का बीचको अन्तिम खेलपछि समूह विजेता र उपविजेताको निर्णय हुनेछ ।

LEAVE A REPLY