Home कला/साहित्य प्रतिभा पुरस्कार पुरुषोत्तम दाहालसहित सात स्रष्टालाई प्रदान गरिने

प्रतिभा पुरस्कार पुरुषोत्तम दाहालसहित सात स्रष्टालाई प्रदान गरिने

544
0
SHARE

 प्रतिभा पुरस्कार प्रतिष्ठान विराटनगरले प्रत्येक वर्ष प्रदान गर्ने प्रतिभा पुरस्कार सात स्रष्टालाई प्रदान गर्ने भएको छ । नेपाली भाषा साहित्यमा लामो समयदेखि योगदान दिएकाले २०७५ सालको लीलानाथ विश्वमञ्जरी बराल प्रतिभा पुरस्कार साहित्यकार, पत्रकार पुरुषोत्तम दाहाललाई, प्रतिभा पुरस्कार कवि समालोचक डा शैलेन्दुप्रकाश नेपाललाई, ज्वालाप्रसाद पोखरेल प्रतिभा पुरस्कार, साहित्यकार पुण्यप्रसाद खरेललाई र दिनबन्धु उषादेवी गोयल प्रतिभा पुरस्कार कवि कृष्ण प्रधानंलाई प्रदान गर्ने निर्णय गरिएको छ । उक्त पुरस्कारको राशि जनही पचास हजार रहेको छ । यसै गरी एक्काइस हजार राशिको विराटलक्ष्मी प्रतिभा पुरस्कार कवि विष्णु भण्डारीलाई र रु १५ हजार राशिको षडानन्द प्रतिभा पुरस्कार कविद्वय निर्मला कोइराला र मन्जु श्रेष्ठलाई संयुक्तरूपमा प्रदान गर्ने निर्णय गरिएको छ ।

निजीस्तरमा २०३९ सालमा स्थापना गरिएको प्रतिभा पुरस्कार प्रतिष्ठान विराटनगरले हालसम्म ६० भन्दा बढी स्रष्टाहरूलाई पुरस्कृत गरिसकेको छ भने विभिन्न लेखकका पचासभन्दा बढी विभिन्न विधाका कृति प्रकाशन गरेको छ । संस्थाका अध्यक्ष दधिराज सुवेदीको अध्यक्षतामा बसेको कार्यसमितिको बैठकले यो निर्णय गरेको हो । उक्त सम्मान आगामी २०७६ साल असार २९ गते भानु जयन्तीका अवसरमा विशेष साहित्यिक समारोहकाबीच विराटनगरमा समर्पण गरिने छ ।

LEAVE A REPLY