Home जीवनशैली कसरी बाङ्गो टिङ्गो दाँतको उपचार गर्ने ?

कसरी बाङ्गो टिङ्गो दाँतको उपचार गर्ने ?

166
0
SHARE

मानिसलाई आफु राम्रो अनि आकर्षक देखिन मन लाग्छ र त्यो स्वाविक पनि हो । मानिसको ब्यत्तित्व विकासमा शरीरको सुन्दरताले ठुलो प्रभाव पारेको हुन्छ । सुन्दर दाँत भए सुनमा सुगन्ध हुने गर्दछ । तर कहिले काँहि आकर्षक अनुहारको सुन्दरतालाई नमिलेका दांतहरुले ओझेलोमा परिरहेको हुन्छ । बाङ्गो टिङ्गो दांतले विभिन्न प्रकारका समस्या निम्त्याउने गर्छ । विशेषगरी स्कुले केटाकेटीमा बांगोटिङ्गो दाँतकै कारण साथीभाइले जिस्क्याउने, ठुलो भइसक्दा आत्मविश्वासको कमी एवं सभा भिडभाडमा मुख छोपेर हाँस्ने बोल्ने समस्या देखा पर्ने गर्छ ।

त्यस्तै, अगाडिको दात धेरै बाहिर हुँदा चोटपटक लाग्ने, दाँत भाँच्चिने सम्भावना हुन्छ । यस्ता दाँतको सरसफाइ गर्न मुस्किल हुने भएकाले दातमा किरा लाग्ने एवं गिजामा समस्या भई सुन्निने, रगत आउने गर्छ । त्यसैगरी, खान तथा चपाउन लगायत जबडाको जोर्निमा समस्या हुने, मुखले सास फेर्ने, घुर्ने, कमजोर आत्मविश्वास, पाचनप्रणालीमा समस्या, अनुहारको सुन्दरतामा कमि, बोलीमा अस्पष्टता, बोलीमा अस्पष्टता, दांतमा किरा लाग्ने समस्या समस्या हुने गर्छ ।

भनिन्छ , रोग लाग्नु भन्दा रोगलाग्न नदिनु नै उत्तम उपाय हो । मानव शरीरमा हुने अनेकौँ स्वास्थ्य समस्या जस्तै दांत बाङ्गो हुन बाट रोक्ने पनि उपाय छ । तर पनि हाम्रो समाजमा विरामीहरु दाँत बाङ्गो भए पछि मात्र नै डाक्टरमा जाने प्रचलन छ । धेरै मानिसलाई दांत बाङ्गो भएमा उपचार गर्न र रोक्न सकिन्छ भन्ने ज्ञान नै छैन ।
केटाकेटीदेखि अधबैसेंसम्म सबै उमेरका मानिसको अर्थोडोन्टिक उपचार सम्भव हुन्छ । तर, प्रायः देखिने समस्यामध्ये बढ्दो उमेरका केटाकेटीमा उपचार गर्दा राम्रो परिणाम देखिन्छ । अर्थोडोन्टिक्स भनेको बाङ्गोटिङ्गो दाँतको उपचार गर्ने विधा हो । अर्थोडोन्टिक उपचार केही हदसम्म खर्चिलो हुने भए पनि उपचारबाट आउने परिणामले बिरामीलाई सुन्दर, स्वस्थ, खुशी एवं आत्मविश्वासी बनाउन मद्दत गर्छ

बाङ्गो टिङ्गो दांतको उपचारको लागि दाँतमा तार बाध्नुपर्ने हुन्छ । यो उपचारलाई ब्रेसेस अथवा अर्थोडोन्टिक उपचार पनि भनिन्छ । दाँतमा बाँधिने तारहरु विभिन्न किसिमको हुन्छन । बाङ्गो टिङ्गो दातको प्रकृति हेरेर तारको प्रकार छानिन्छ । दांत थोरै मिलाउनु पर्ने छ अथवा सरल किसिमको दांतको मुभमेन्ट गर्नु छ भने निकाल्न मिल्ने तार रिमुभल ब्रेुसेस लगाउन सकिन्छ । यदि जटिल उपचार गर्नुपर्ने अवस्था छ भने निकाल्न नमिल्ने तार फिक्स ब्रेसेस लगाउनु पर्छ । यसलाई डाक्टरले लगादिने र समय समयमा एक्टिभ गर्नुपर्ने हुन्छ । विज्ञानको आविष्कार संगसंगै अर्थोडोन्टिक क्षेत्रमा पनि अकल्पनीय विकास भएको छ । अचेल दांतको रंगका ब्रेसेस का सुविधाहरु सहित Self lighting bracket system, Clear aligner Technique यस ओम समाज डेन्टल हस्पिटल बाट उपलब्ध भइरहेका छन ।

LEAVE A REPLY